kisah yang ingin kuulang kembali Caritoko bamulo katiko nela kahilangan hp pas kls duo. Waktu jam olah raga lokal kosong. Si nela ko ntah dek bongak ntah dek eloknyo ditinggaannyo hp jo pitih dalam tasnyo. Samantaro itu nyo bae main voli di lapangan cik kabau dakek SMP 3. Sasudah baraja olahraga kami baraja matikmatik jo pak oyong lai. Badan panek baagiah pulo kami soal diferensial. Mangutuak anak kendor yang utaknyo abih pakak sadonyo. Eh tibo-tibo si nela tadi tapakiak sajonyo. “Ndeh… Pitih la ilang…” “Kecekan lah ka apak Nela,” jawek tasya dengan harapan ndak jadi baraja matikmatik. “Bialah, ndak baa do!” jawek nela cadel. Eh tibo-tibo tapakiak si nela ko baliak. “Hape la ilang lo…”akhirnyo si nela tapaso juo mangecek ka pak oyong. “Sekarang, periksa barang-barang kalian. Siapa tahu masih ada yang kehilangan,” kato pak oyong bijaksana. Si Siti tapakiak pulonyo di balakang. Hape n73 yang baru dibalinyo ndak pulo basobok do. Anak kendor yang pakak utak tadi wajahnyo mulai cerah lantaran nyo lah yakin ndak jadi baraja matikmatik. Tapi dilain pihak tantunyo anak kendor ikuik prihatin. Apolai yang kahilangan tu acok manunjuakan ujian. Pak oyong lah paniang pulo. Akhirnyo di panggia lah apak wakil kapalo sakolah, kalo ndak salah pak cuTe. Mungkin dek gara-gara anak kendor pandai akting panik. Pak oyong akhirnyo mamutuihan ndak jadi baraja hari iko. Apolai mancaliak si rani yang manggaris jo mahapus se karajonyo (tando-tando kepanikan rani) tambah ilang nafsu apak tu untuak maaja kami. Samantaro itu bisua ndak amuah kalah dek rani do. Lah ditelponnyo tetangganyo yang bailmu bisa manebak pelakunyo. Bisua yang biasonyo pilik pulsa rela mambuang pulsa demi keterannyo dan mengalahkan kepanikan rani yang tiada arti. Samantaro itu si tasya jo yola yang ndak jauah beda pakak utaknyo ikuik-ikuik panik pulo. Si tasya jo TuTi berusaha manyari informasi ka anak ipa duo. Samantaro itu yola cuek-cuek sajo. Mungkinnyo talampau sanang ndak jadi baraja matik-matik. Di tengah sandiwara kepanikan anak kendor si Siti basorak,”Kironyo hape iti tingga di ateh oto pas iti diantaan tadi pagi!” “Syukur alhamdulilah…”kecek anak rahasia ilahi. Kasano anak rahasia ilahi pun langsuang sujud sukur yang dipimpin dek Nurul Faizah (ketua rahasia illahi SMA Duo). “Mantang nela ndak rahasia ilahi yo! Lah lupo kalian jo nela!” kato yola dengan bijaknyo. Atas desakan yolalah kasado anak kendor-kendor sapakek manolong nela dengan cara apapun. Rani mangamukoan ide manyalasaian masalah tu jo ilmu pengetahuan sajo (secara rani tu kendor paliang cadiak). Sadangkan bisua seolah ndak amuah kalah, mangecek bia inyo yang nanyo ka adiak amak si Tio yang kecek si bisua punyo ilmu. Akhirnyo tibo peri penolong yang bibianyo seksi. “Kebetulan kato apa yan ado dukun hebat di tanjuang aro yang bisa tau sia pelaku,” serunyo dengan syahdu. Dek mandanga kato-kado syahdu si peri cantik ko lah iyo pulo kecek kendor nan pakak utak tu. Akhirnyo sepakat lah nyo manarimo usulan si peri cantik. Singkek carito, malamnyo anak kendor lah janjian jo apa si peri tadi dirumah si yona. Si yola dibaoknyo onda kecantikannyo, si tasya pun ndak namuah kalah dibawok onda asok satenyo. Rani yang rumahnyo di dakek rumah mintak dijapuik, maklum padusi surang tu nio pulo berpartisipasi. Tapi dasar si tasya jo yola ko bangso padusi pilik, tulak-tulakan lah nyo baduo. Akhirnyo demi mengungkap kisah dibalik kasus ilangnyo hape si nela, rani pun ngebet mintak diantaan jo si edo adiaknyo yg msh SD naiak onda. Maklum kacomato rani ilang, jadi nyo ndak bisa baok onda do. Ndak lamo sudah rani tibo, tibo pulo apa si peri cantik tu. Kato apak peri tu rumah dukun tu di ateh. Tasya pun tapakiak, lantaran takuik onda asok satenyo ndak talok mandaki. Dengan sangat terpaksa yola nio gonceng tigo jo tasya en rani. Samantaro itu bisua yang paliang indak pokok’i dibaenyo manebeng jo apak peri tadi. Eh iyo posisi gonceng tigonyo, yola yang bwo onda, tasya di tangah, rani dilakang. Dasar tasya ko jail he, dipatakuikannyolah si rani ko. “Rani diramehnyo susu kau dek antu mati kau!” “auu…!” rani pun tapakiak. Sapanjang jalan tu iyo mamakiak se karajo padusi darah batak ko nyo. Kironyo pas sampai di rumah si in dukun, baliau ndak pulo ado do. Dukun tu pai karumah bininyo yang ciek lai di padang panjang. Medan yang kaditampuah ka padang panjang tu parah bana. Yola ndak rela onda kecantikan dibae gonceng tigo. Tapasolah bajapuik onda asok sate tasya k bawah bliak. Akhirnyo dengan susah payah lah sampai di rumah bini mudo dukun ko. Kironyo si dukun pai ka tanjuang pulo maubek urang kesurupan. Kecewalah kasadonyo, ndak ado gunonyo do buang-buang minyak sajo (kiro-kiro mode ikolah kalimat yang kalua dari muncuang tasya). Padahal tanjuang aro tu dakek bana rumah si bisua. Dengan indak puTuiH samangek. Turunlah urang-urang tu baliak. Akhirnyo basobok juo jo dukun tu di surau dakek tobek anduang. Singkek carito, diajaknyolah dek dukun tadi masuak ka musola. Rani yang suko mendramatisir keadaan mulai berusaha manciptakan suasana samistis mungkin. Mancaliak parangai padusi surang tabik suga si yola. Dibilalanganlah dek yola mato cantiknyo ka rani ko. Akhirnyo rani pun antok. Smantaro itu si in dukun lah asyik mambaco mantra. Si bisua memperhatikan dengan seksama. Bantuaknyo bisua ko taragak pulo jadi dukun. Balakangan diketahui, kironyo lah kaduo kalinyo si bisua pai ka si in dukun. Pas SMP lah pernah pulonyo kasiko kironyo. lanjutan yang tadi… Kironyo memang dasar si bisua ko bana nan bongak. Pas SMP dulu nyo pai ka si in dukun ko mintak aia yang alah dimantoi di si in dukun. Dengan harapan juara saTu bisa di rabuiknyo. Babaliak kito ka carito tadi. Si in dukun lah sudah baco mantra. “Nan maambiak ko uwang dokek kalian juo!” “Baa ciri-cironyo pak?” tanyo rani ndak saBa sambia mangipeh rambuiknyo nan sudah di catoknyo sabalun pai. “Uwangnyo agak babeda saketek, kuruh…” alun jadi si in manyalasaian kalimatnyo mato liar tasya lah mangarah ka yola. Soalnyo yola tamasuak kuruih. Si tasya bantuak ndak sadar diri padahal wak kuruih lo tu. “Padusi jantan?” tanyo rani bausao mananangkan. “Jantan tu koliang saketek!” akhirnyo yola lega. Soalnyo tasya lah mulai curiga ka yola. “Jantan kironyo untuang den lah padusi putiah kamek,” kecek yola dalam hati sambia manyibak roknyo seolah ingin memastikan kalau inyo yo bana padusi. Kecek mangecek akhirnyo dukun ko mausulan buek ajo pelakunyo sakik paruik sabalum barang ko baliak. “Wak ado ayat-ayatnyo di rumah! Wak tulis ayatnyo di rumah beko! Jopuk ka tompek Manjang (toke ayam dakek rumah tasya) dih! Wak kojo di situ! Tu kalian cucuak jo jarum bagian poruk gambar tu (gambarnyo berupa manusia, di kapalo,tangan,paruik, jo kakinyo ado tulisan arab)! Paliang indak 25 kali cucuak!” “Insyaallah pak!” jawek tasya lugas dan sok alim sambia mangipeh jilbab marshanda yang dibali di kadai Rina. “Borang tu lah dijuanyo dek moliang tu?” tanyo bisua penasaran. “Nan piti iyo olah dibalanjoannyo. Hape ko berdasarkan pancoliak’an ambo lai disimpannyo baru!” “Syukurlah,” jawek yola menghela angok busuak baun jariang tuonyo sambia mengibaskan rambuik karitiang babigen sirahnyo. Lah baliak tampek si dukun ko. Anak Kendor pulang jo sanang ati, lantaran masalah lah ado titiak tarangnyo. Mungkin dek alah panek anak-anak ko langsuang pulang. Rani tadi pulang manebeng jo apa kotek. Bisuaknyo tasya jo bisua yang memang selalu datang capek lah heboh mancaritoan ka anak lokal. Nan cover jo seleb yang dasar parangainyo ndak jauah beda cingkahaknyo jo anak kendor turut berbahagia. Nan rahasia ilahi ndak branti mangucap jo badikia. Kali iko dipimpin dek mas jok. Eh yola jo rani yang langganan tibo talambek, pas baru taacah se pangguanyo di kursi lah bertubi-tubi muncuang bacarito. Bahkan rani saking antusiasnyo diampehnyo buku ka ateh meja. Untuang anak lokal maklum jo parangai padusi baduo ko. Jadi didangaan sajo dek urang-urang. Samantaro itu mak chai jo mega lah sibuk pulo mangaluaan argumennyo tentang kajadianko. Mega mulai mampangaruhi vela jo nurul khususnya dan anak rahasia ilahi umumnya. Samantaro itu veli sebagai miss dan wanita kota sibuk bakipeh jo karateh buku kiky yang dibalinyo di gramedia. Mak chai indak namuah kalah mulai manguluaan argumen bidang politiknyo di hadapan cover-cover. Hari mulai baranjak siang. Kebetulan kini sakolah sore matikmatik pulo. Untuang bana kendor-kendor nampaknyo, lantaran inyo lah bajanji jo si in dukun. Dengan icak-icak ndak rela cabut sakolah sore si bisua mintak izin ka pak oyong. Syukur alhamdulilah diizinkan. Mako barangkeklah anak kendor katampek manjang manamui si in dukun. Setelah karateh jo jarum tu didapek. Kendor-kendor langsuang baliak kasakola. Soalnyo kendor-kendor lah penasaran sia pelakunyo. Tasya tapiliah sebagai urang partamo mancucuak. Lantaran manuruik anak kendor tasya paliang alim diantaro kendor yang lain, diikuti rani, bisua, dan yola. Namun itu baru empat tusukan. Akhirnya yola mendatangi kasado meja anak kelas untuak mintak partisipasi tusukan. Samantaro itu rani mulai sibuk manggaris mahapus bia kelihatan dek pak oyong sibuk ngarajoan soal. Tasya icak-icak batanyo ka urang hebat tapi akhirnyo manyontek juo. Samantaro itu bisua ndak mambuek samo sakali. Ternyata jerih payah yola hanya menghasilkan 18 tusukan. Lantaran rahasia ilahi ndak nio manusuak, katonyo sirik. Scara rahasia ilahi lumayan bnyak jumlahnyo di lokal. Berbekal perkataan si in dukun kalau mancucuak buliah labiah dari sakali makonyo tasya jo rani mancucuak sakali surang lai. “20 bru! Kalo gitu bia den cucuak liMo!” kecek yola penuh nafsu berharap bia inyo dapek peran paliang gadang mengungkap kisah di balik kasus nela meilina nesa. Maka dengan jari lentiknya yang terlatih memegang tungkek mayoret SMA 2 yola mulai mancucuak saTu perSaTu. Sado mato anak kendor tertuju ka yola. “lah cukuik 25!” seru yola sambia maetong titiak di paruik gambar urang tu. “Lah lapeh sasak namonyo tu” kecek si bisua sok bijaksana. Samantaro itu tasya jo rani mulai syok dan cemas. “dek a kalian?” tanyo yola ketus. “Den takuik, soalnyo pernah kejadian sia yang paliang bnyak mancucuak berangsur-angsur kecantikannyo akan pudar,” sauik si rani pulo mandramatisir kaadaan sambia megang dompet boneka jo hape 3310 nyo. Lah cameh pulo si yola ko. Mukonyo lah pucek. Tasya jo bisua bausao mananangan. Akhirnyo yola tanang dek di opok bisua jo godok angek. Tapi sayang, buktinyo sudah manusuak tu ndak ado anak lokal yang sakik paruik do. Ndak ado nampak ampuhnyo dukun ko do. Nampak na pakak utaknyo. Ndak ado gunonyo sakola tinggi do. Percuma se usao anak kendor ko nyo. Tapi untuangnyo anak kendor ndak jadi baraja matikmatik duo kali do… tamaik * Anehnyo: Yg kahilangan ndak sasibuk itu bana mancari palakunyo. Kendor tagiah manyibukkan diri! peNulis By : De Kendor